طريقة تنزيل العاب البلاى أستيشن 2 على الهارد كارت الفاكس

[عبدالله حجازى]

السلام عليكم ورحمه الله

برنامج اليوم هوى WinHIIP هذا البرنامج جميل جداا يعمل على نسخ الألعاب من الكمبيوتر الى هارد البلاى استيشن .
فقط قف على ملف exe البرنامج بالموس واضغط كليك يمين و أختار run as administrator ده لو عندك ويندوز 7 إما لو عندك ويندوز xp افتح البرنامج على طول .
احزر التعامل مع البرنامج لأن اى غلطه تمسح هارد جهاز الكمبيوتر كله هام جداا احزر وتابع التعليمات بدقه .
بعد ما تفتح البرنامج اختار select drive وبعدين هتلاقى الهردات الموصله على الكمبيوتر بتاعك عباره عن مجموعه من البرتشن هتلاقى برتشن مكتوب عليه pc ده برتشن جهازك احزر الأقتراب منه نهائيا .
و هتلاقي برتشن مكتوب عليه ps2 game هوى ده هارد البلاى استيشن ملحوظه تقدر تحدد هارد جهازك اوهارد البلاى ستيشن من خلال المساحه المكتوبه امام كل برتشن .
بعد ما تختار هارد البلاى ستيشن تروح على اختيار Add images) وبعدين اختار Add file واختار المسار المسجل عليه العاب البلاى استيشن وممكن تحدد على أكثر من لعبه مره وحد ه وتنتظر التحميل . مبروك عليك تنزيل الألعاب . ارجو عدم اللعب في اى قائمه من البرنامج حتى لا تقع في الخطأ وتفقد كل حاجه على هارد جاز الكمبيوتر.

تابع يا غالى رابط البرامج المستخدمه winHIIP

اشراف عبدالله حجازى

صور شرح البرنامج

تابع الصور يا غالى




تابع الصور

فى حالة ظهور هذه الرساله عليك بتركيب الهارد فى البلاى استيشن 2 وعمل فرمات للهارد وعمل سوفت جديد وبعدين وصل الهارد بالكمبيوتر ونزل عليه الالعاب وتبع التعلمات بدقه وان شاء الله يكون الوضع تمام وشكراا لكم على التواصل والصبر لقرأة الموضوع وارجو ان اكون قد وفقت فى الشرح ..

اخوكم عبدالله حجازى

تحياتى للجميع
منتظر منكم الردود على الموضوع

اتفضلو البرنامجWinHIIP

[عبدالله حجازى]

[galal ahmed]

بارك اللله فيك أستاذنت
شرح رائع

[احمدهيما2]

بارك الله فيك ولكن كيف اوصل جهاز البلاى ستشن بالكومبيوتر

[كفاح صديق]

تسلم يا عمدة

[jaber alking]

بارك الله فيك على ما قدمت اخى الفاضل

[عبدالله حجازى]

مشكور جداا احبائى وبارك الله فيكم وتحت امركم فى أى وقت ا

[عبدالله حجازى]

تحياتى للجميع اخوكم عبد الله حجازى

[عبدالله حجازى]

تحياتى للجميع

[obshan2003_4]

هل ينفع البرنامج ده على 3 وهارد البلاستيش بيتركب عادى والا به كابل معين وشكرا

[صياد النجوم]

اخى العزيز
دلوقتى هارد البلاى ستيشن بيبقى مش متعرف على الكمبيوتر فلازم اعرفه واسميه بحرف f مثلا طيب كده بعد ما انزل الالعاب على الهارد هيشتغل عالطول على البلاى ستيشن وله لازم انزل برنامج يخلى البلاى ستيشن يقراة تانى ويشغل الالعاب زى ما بشوف عند بتوع المحلات بيضعوا فلاشه مكان كارت الميمورى وبيقولوا انهم بيفعلوا الالعاب

[ابو اسلام المصرى]

برنامج رائع وكل عام وانتم واسرة المنتدى بخير

[عبدالله حجازى]

الله يبارك فيكم اخوتى لا شكر على واجب اخوكم عبدالله حجازى

[عبدالله حجازى]

مشكورر جداااا اخوانى

[ahmedyehia]

بعد اذن حضرتك هو توصيل هارد البلايستشن 2 مثل اى هارد كمبيوتر عادى يعنى كابل داتا وكابل بور عادى من غير جمبر ولا اى حاجه ولا زى ما سمعت انو لازم وصله usb

[عبدالله حجازى]

توصيل الهارد فى الكمبيوتر بالكابل الداتا العادى وبعدين قف على ايقونه ماى كمبيوتر وأضغط كلك يمين واختار Manage وبعدين أضغط على Disk Management هتلاحظ أن هارد جهازك ظهر وجنب كل برتشن خط لونه ازرق بيحدد مساحت البرتشن بتاعك هيا دى برتشنات هارد الكمبيوتر وبعدين عشان تعرف هارد البلاى استيشن قف على كلمه Disk Management وأضغط كلك يمين وأختار كلمه Rescan Disks هتلاحظ ظهور هارد البلاى استيشن وهوى عباره عن هار برتشن واحد ولونه اسود كده يبقى تمام الهارد اتعرف وبعدين افتح برنامج تنزيل الا لعاب وتابع الشرح بدقه وعنايه ....

أى حدمه ياغالى

[ahmedyehia]

انا متشكر جدااااااااااااااااا بس انا واحد جه وصل هارد البلاستيشن بالكمبيوتر الهارد بتاع البلايستيشن اتحرق علشان كده سالت وانا اسف اذا كنت طولت علييييييييييييك ......

[عبدالله حجازى]

المشاركة الأصلية كتبت بواسطة ahmedyehia

انا متشكر جدااااااااااااااااا بس انا واحد جه وصل هارد البلاستيشن بالكمبيوتر الهارد بتاع البلايستيشن اتحرق علشان كده سالت وانا اسف اذا كنت طولت علييييييييييييك ......

انا تحت امرك يا غالى اى خدمه انا موجود لا شكر على واجب احنا هنا فى المنتدى عائله واحده ....

[ahmedyehia]

[ahmedzaki14]

بارك الله فيك على ما قدمت اخى الفاضل