حصريا لحل مشكلة تشغيل الريسيفر على الميكروتك لعيون مصراوى

[م/محمدزيان]

أحبابى أعضاء منتديات مصراوي سات أهلا بكم

(¯`·._لمن يريد تشغيل الريسيفر الترومان على سيرفر المايكروتك لاصحاب الشبكات _.·´¯)


اخوانى الكرام
اهلا ومرحبا بكم ومن جديد لجديد
اليكم شرح هام لكيفية اضافة الريسيفر الترومان الى سيرفر الميكروتك لتشغيل النت علية
لكن اولا توجب علي ان اشرح لكم الاتى
ما هو المايكروتك؟
هو عبارة عن سيرفر شبكات لمشتركى النت يقوم صاحب شبكة النت بتركيبة عندة لاعطاء كل شخص حجم معين من الداونلود او السرعة
لكن ما هى فائدة الشرح؟
بالنسبة للمايكروتك لا يمكن دخول الشبكة او الولوج اليها الا بعد ان يضاف الماك ادريس الخاص بنا سواء للريسيفر او الكمبيوتر او الموبايل
ولو فكرتم قليلا لمن لم يتوصل للمعلومة
فمثلا ستجدوا شبكات نت وايرلس على الموبايل تكون مفتوحة وليست مشفرة ولكن عند الدخول اليها يفتح لنا صفحة هوت سبوت بها يوزر وباسورد للدخول
هذة الصفحة هى خاصة بسيرفر المايكروتك
طب ولو عايزين ندخل بالريسيفر وطبعا المفروض يبقى اتوماتيك
وما ينفعش كل شوية نفتح صفحة الهوت سبوت وندخل اليوزر والباسورد وكمان بتقابلنا مشاكل كبيرة بتمنع الطريقة دى
فتوصلنا لمعلومة واعرف انها قديمة ولكن لمن يحب ان يعرفها
عن طريق اضافة الماك ادريس للجهاز واعطائة بعض التصاريح يكون بموجبها بدون يوزر وايضا يكون سرعة النت علية مفتوحة

والان اخوانى نتطرق لشرحنا وبالصور
اول شئ اخوانى بالنسبة لنا لابد اوان نعرف الماك ادريس الخاص بالجهاز
والماك ادريس مثل بصمة يد الانسان تختلف من شخص لاخر
ايضا الريسيفر له ماك ادريس لا يوجد جهازين متشابهان فى الماك ادريس
ولمعرفتة اخوانى الماك ادريس للجهاز
ادخل على القائمة ثم النظام ثم اعدادات النت ودى صفحة الايبى الخاص بالجهاز
حننزل لاخر سطر حنلاقية كالتالى
Mac Address وبجوارة الرقم
سنقوم باعطاء الرقم لصاحب الشبكة وهى كالصورة التالية



اما بالنسبة لصاحب الشبكة
بعد الدخول الى سيرفر المايكروتك
هتظهرلنا الصفحة الرئيسية هنروح على IP وبعدها نختار DHCP Server
بعدها حتظهر صفحة اضافات اليوزرات
هنضغط على علامة + فى اعلى يسار الصفحة لاضافة بيانات الريسيفر
وحنضيف الايبى والماك ادريس الخاص بالريسيفر
وبعدها نضغط على OK وكدا يبقى احنا خلصنا خطوة اضافة بيانات الريسيفر
وييتبقى لنا الخطوة المهمة وهى التصاريح





بعدها هنرجع تانى لصفحة البداية الاساسية الخاصة بالمايكروتك ونختار IP ثم Hotspot
بعدها حتفتح لنا صفحة حنختار منها IP Binding
ثم بعدها نضغط على علامة + وهى فى اعلى يسار الصفحة ودى اهم خطوة والاخيرة





بعدها هتظهر لنا صفحة صغيرة بالداخل سنضع فيها الاى بى اللى كتبناه قبل كدا
ونختارمن خانة Type اختيار Bypassed وده اهم شىء علشان نلغى الدخول باليوزر والباسورد وكمان النت فيها مفتوح ومتخافوش لاننا اضفنا الماك ادريس يعنى مش ممكن يدخل اى جهاز تانى الشبكة من غير ما نعرف
وبعدها نضغط على OK ونحفظ عملنا
وبكدا يبقى الماك والاى بى بتوع الريسيفر كأنهم على انترنت مباشر بالظبط



لكن لازم تاخدوا بالكم من من حاجة مهمة
لابد من كتابة نفس الايبى فى الحالتين

ولما صاحب الشبكة يضيف البيانات عندة ويحفظها
حنروح للريسيفر على صفحة الايبى
ونختار من السطر الثانى بعد كلمة DHCP ونقفل الايبى لو خد ايبى غير ال اخدناة من صاحب الشبكة
يبقى نفتح الخطوة دى ونكتب نفس الايبى ونعمل الايبى للجهاز يدوى وليس اتوماتيك
ملحوظة تانية ال Network mask فى صفحة الايبيهات لو متغير عن الرقم دا 255.255.255.0 لابد من تغييرة لنفس هذا الرقم

وبكدا اخوانى نبقى اضفنا شرح مهم لكيفية اضافة بيانات الريسيفر
فى شبكة نت تعمل بسيرفر ميكروتك
ولكم منى اجمل تحية والى اللقاء
فى شروحات اخرى وحصرية ان شاء الله
تقبلوا تحياتى لكم اخوانى الكرام

[ABOZIAD@AHMAD]

ماشاء الله
مجهود مميز ياغالى

[م/محمدزيان]

المشاركة الأصلية كتبت بواسطة ABOZIAD@AHMAD

ماشاء الله
مجهود مميز ياغالى

تسلم اخى ابوزياد على مرورك الكريم
دائما بتنور مواضيعى
بارك الله فيك

[محمود البسط]

تسلم اخى الحبيب

على المشاركة المميزة

بارك الله فيك ياغالى

[abozeeyad]

شرح اكثر من رائع جزاك الله كل خير والى الامام دائما.

[م/محمدزيان]

شكرا لمروركم اخوانى الكرام

[الصعيد الجوانى]

الكلام ده لأجهزة اللينوكس بس ولا لاى جهاز
مثلا كيوماكس او استرونج

[Dr. Hazem Tamim]

المشاركة الأصلية كتبت بواسطة الصعيد الجوانى

الكلام ده لأجهزة اللينوكس بس ولا لاى جهاز
مثلا كيوماكس او استرونج

طبعا لأي جهاز مادام له MAC address

[محمود عبد السلام11]

شكراً جزيلاً لك ولكل الجهد الذي قمت به إنك حقاً إنسان رائع

[tatoox]

تسلم الايادي بارك الله فيك