للتأكد هل صحيح موضوع الزئبق الاحمر في التلفزيونات القديمه؟؟

[محب الخير للناس]

السلام عليكم
سمعنا أن الاجهزه القديمه تحتوي على مادة الزئبق فهل هذا صحيح؟؟

[امير النجار]

اخى الفاضل لاتشغل بالك بهذا الكلام فهذا الكلام غير صحيح مش موجود فى التليفزيون القديم ولكن موجود فى اشياء اخرى وعندى كافة استخدامات الزئبق ولكن فى النهاية لاتفيدك فى مجرد معلومات غامضة

[مهندس الصيانه]

مع احترامى للاستاذ امير النجار بالفعل فيه اجهزه قديمه جدا جدا تحتوى على هذه الماده <الزئبق الاحمر >بس للاسف الموديلات دى قديمه قوى وصعب جدا العصور عليها والماده دى موجوده فى سوكيت الشاشه فى امبول يشبه اللمبه الفيوزيه

[حمدى البندى]

كلام غير مؤكد بالمرة

[مهندس الصيانه]

المشاركة الأصلية كتبت بواسطة حمدى البندى

كلام غير مؤكد بالمرة

الكلام مؤكد اخى حمدى ولو انت مش متاكد ممكن تسأل اى مهندس فى شركه موبينيل او اتصالات

[محب الخير للناس]

المشاركة الأصلية كتبت بواسطة مهندس الصيانه

مع احترامى للاستاذ امير النجار بالفعل فيه اجهزه قديمه جدا جدا تحتوى على هذه الماده <الزئبق الاحمر >بس للاسف الموديلات دى قديمه قوى وصعب جدا العصور عليها والماده دى موجوده فى سوكيت الشاشه فى امبول يشبه اللمبه الفيوزيه

طيب انا عندي راديو قديم جداا منذ حوالي اكثر من 50 سنه فهل توجد فيه هذه الماده؟؟ واين توجد تحديدا
وايضا تلفزيون قديم ظهر التلفاز خشبي مخرم .

[محمد السني]

انا عندي زئبق فضي

[محب الخير للناس]

المشاركة الأصلية كتبت بواسطة محمد السني

انا عندي زئبق فضي

استخرجته من اجهزه؟؟

[مهندس الصيانه]

يا اخوانى لا نفع مما نقوله وريحوا دماغكم لان الاجهزه التى تحتوى على هذه الماده انقرضت من زمان

[محب الخير للناس]

المشاركة الأصلية كتبت بواسطة مهندس الصيانه

يا اخوانى لا نفع مما نقوله وريحوا دماغكم لان الاجهزه التى تحتوى على هذه الماده انقرضت من زمان

من زمان اد ايه يعني هي الاجهزه دخلت مصر امتى اصلا؟

فيه تلفزيونات بقالها 60 سنه وموجوده

[البرنس المحترف]

ر

[اسامه الحكيم]

حضرات القضاه والمستشارين

زئبق ايه وتخاريف ايه اللى انتم بتحكوا فيها

مادة الزئبق دى معروفه من قديم الزمن

ومش معقوله ماده نادره ومعروفه من زمان

هيحطوها فى تليفزيون عبيط

دى حتى معروفه من ايام الفراعنه

هييجوا من 50 سنه يحطوها فى تليفزيون

وايه لزمتها فى التليفزيون

علشان ايه هيحطوا ماده غاليه جدا ومعروفه جدا فى التليفزيون او فى اشياء اخرى

ربنا يتم علينا نعمة العقل

وشكرا

[امير النجار]

اخى الفاضل انت لاتزال مصر ان الزئبق موجودالموديلات دى قديمه قوى وصعب جدا العصور عليها والماده دى موجوده فى سوكيت الشاشه فى امبول يشبه اللمبه الفيوزيه هذا الكلام مسموع فقط من اشخاص ولم يعثرعلية اى حد فى اى تليفزيون قديم ولاراديو قديم لانك لو تعرف مكونات الزئبق لتكون مقتنع الزئبق الاحمر ماهو الا اسم مادة كيماوية تستخدم فى القنابل فهل تضع فى راديو اوتليفزيون والزئبق انواع منة الابيض والاحمر والفضى واعلهم الروحانى الذى يستخدم فى التحنيط عند الفراعنة وكل واحد لة استخدام معين عند الذى يعرف استخدامة الصحيح فلاتجادل هذا ذكرني بالزئبق العادي الطبيعي لونه الفضي الرصاصي كان الناس تسقي ابنائهم هذا الزئبق لمنع السحر .

انا سألت استاذ كيمياء عن اضراره اذا احد ابتلع الزئبق العادي فقال هو مادة سامه فاذا وصل الى المخ يسبب الجنون .

طبعا وجدنا الكثير ذكر انه شرب الزئبق عندما كان طفل وعقله عال العال فمنهم من اكمل تعليمه العالي وذكائه هو هو لم يتغير

ربما يقصد الاستاذ الزئبق الصناعي الذي تدخل المواد الكيميائيه في تصنيعه وليس الطبيعي الذي يستخرج من الارض والله اعلم

[مهندس الصيانه]

يا اخوانى الافاضل والله انا سمعت زيكم كدا ومكنتش متاكد بس لما اتصل بيا مهندس من شركه موبينيل عن طريق مهندس صاحبى وورانى امام عينى صدقته وبالفعل شوفت الماده موجوده وحمره فى سوكيت شاشه قديم ولما سألته ازاى وضعوا الماده دى فى التليفزيونات مع انها غاليه الثمن قالى انها كانت كتيره ورخيصه فى هذه الايام وكانت استخداماتها فى العلم وليس لما يستخدمونها الان فى السحر والاعمال وطرق كثيره للبحث عن الاثار وخلافه وعشان تقولو طيب هما فى شركه موبينيل عايزينها ليه انا سألت نفس السؤال وكان الجواب لتقويه شبكه التليفون المحمول بس على رأى المثل اللى شاف مش زى اللى سمع وللاسف انا سمعت وشفت كمان وبراحتكم يا اخوانى لو عايزين تصدقوا أو لا ودى وجهه نظر

[الوجيه]

السلام عليكم
تحياتى للجميع
لاتشغلواانفسكم بهذا الموضوع
هو يوجد فعلان زئبق وهذا فى الفلبس الالمانى فقط والمبه توجد خلف التيونر
وفى بعض الراديو الفلبس الالمانى فقط وهذه الاجهزه التى دخلت مصر قليله جدا
وصعب العثور عليه وانا شفته من فتره تقرب من 15 عام وكان بعض الناس يبحسون عنه بشراها ولايوجد الا فى الفلبس الالمانى وهذا غير موجود داخل مصر
لان هذه الاجهزه دخلت مصر بنسبه قليله جدا

[حمدي وادي]

يامهندسين الالكترونيات هل من المعقول مثلا قميص بخمسون جنيه تلاقي فيه زرار دهب انا سالت في الموضوع ده استاذي المهندس وصفي وليم نسيم قال غير موجود

[مهندس الصيانه]

المشاركة الأصلية كتبت بواسطة حمدي وادي

يامهندسين الالكترونيات هل من المعقول مثلا قميص بخمسون جنيه تلاقي فيه زرار دهب انا سالت في الموضوع ده استاذي المهندس وصفي وليم نسيم قال غير موجود

يا اخى الفاضل انا وضحت لسعادتك انه بالفعل موجود ومش حكايه قميص رخيص وفيه زرار دهب الحكايه انهم لما وضعوا الماده دى كانت رخيصه ومع مرور الزمن ومع استخداماتها السيئه عدلوا مكانها واستغلوها فى حاجات اخرى

[ابوتقى 20]

اخوانى الكرام هذا الموضوع مجرد كلام واشاعات تتدوال من فترة لاخرى دون اى نتيجه ودون اى دليل او برهان فكلما سعيت خلف كلام احدهم فى النهايه يقول انا سمعت وهذا خير دليل على عدم جدية الامر وتقبلوا جميعا فائق احترامى

[امير النجار]

السادة المهندسين برجاء العلم ان الزئبق الاحمر اسمة فى علم الكيمياء

أكسيد الزئبق الثنائي مركب كيميائي له الصيغة HgO ، ويكون على شكل مسحوق بلوري أحمر، ويمكن أن يوجد منه لون أصفر وذلك حسب كبر البلورات. أكسيد الزئبق الثنائي مركب سام جداً مثله مثل فلز الزئبق
الخواص
• لأكسيد الزئبق الثنائي انحلالية ضعيفة في الماء، حيث ينحل منه 52 مغ/ل عند الدرجة 25°س. بالمقابل فإن أكسيد الزئبق الثنائي ينحل بسهولة في الأحماض حيث يشكل الأملاح الموافقة.
• بتسخين المركب فوق 500°س يتفكك أكسيد الزئبق الثنائي إلى العناصر المكونة له الأكسجين والزئبق:
2HgO –Δ→ 2Hg + O2
الوفرة الطبيعية والتحضير
يوجد أكسيد الزئبق الثنائي في الطبيعة في معدن نادر الوجود يدعى مونترويديت Montroydite.
يحضر أكسيد الزئيق الأصفر من تفاعل ملح للزئبق الثنائي مع كمية فائضة من هيدروكسيد الصوديوم حسب المعادلة:
HgCl2 + 2NaOH → HgO + H2O + 2NaCl
أما أكسيد الزئبق الأحمر فيحضر من التفكك الحراري لمركب نترات الزئبق الثنائي حسب المعادلة:
2Hg(NO3)2 –Δ→ 2HgO + 4NO2 + O2


أكسيد الزئبق الثنائي
الاستخدامات
• يستخدم أكسيد الزئبق الثنائي في تحضير فلز الزئبق وذلك بالتفكك الحراري للمركب. كما أم مزيجاً من أكسيد الزئبق الثنائي مع فلز الزئبق يستخدم من أجل تحضير أملاح الزئبق الأحادي مثل كلورات الزئبق الأحادي Hg2(ClO3)2.
• يدخل أكسيد الزئبق الثنائي كمادة في تركيب المهبط في بطارية الزئبق [2].
السلامة
مركب أكسيد الزئبق الثنائي مركب سام جداً، يجب أخذ الحذر والحيطة عند التعامل به، ويجب اتباع إجراءات السلامة المخبرية فهل من المعقول ان يضع هذا المركب فى جهاز الكل سمع فقط ولم يرى بالعين والله سبحانة وتعالى اعلم بحال خلقة

[الوجيه]

السلام عليكم
تحياتى للجميع
الموضوع مغلق لعدم اهميته
وقد تم الرد فيه بما فيه الكفايه
نرجوا متابعة الاعطال مع الاعضاء المهمه الاساسيه للورشه
وشكرا لكم جميعا